MOVED

Yep. Iiwanan ko na po ang blogspot after 2 years (ang ikli naman, 2 years lang? hehe)...at lilipat na po ako sa

http://bomalabs.i.ph
http://bomalabs.i.ph
http://bomalabs.i.ph


hehe, baibai blogspot....

Plastikan Mode.

Sabi nila, ang mga walang ginagawa, walang karapatang mag-reklamo...
Sabi nila, ang mga taga-DLSU, apathetic..

Sige, sabihin niyo nang apathetic..
pero 'nak ng pating, napakalaking hassle na ng dinudulot ng mga pangyayari sa bansa ngayon.

Si Gloria, masyadong paranoid. Ang mga tao, dahil paranoid si gloria, ay paranoid narin na mag-dedeklara siya ng Martial Law. Kaya yung mga simpleng pagtatanggal ng mga tao sa military ay iniintrega na. Yun, medyo panic mode yung mga tao ngayon. Pero apparently everything has been settled.

Alam niyo kasi, para mag-kakayos-ayos na, makipag-plastikan na ang lahat, at magbabati-bati na. Parang showbiz lang naman kasi yan eh. Kung merong "We're Friends" sa showbiz, sa politics naman merong "We're loyal to the president". Mga magic words na sa isang sabi lang ay tapos ang problema, kuno. Yun ay kung gusto niyo ng madaling tapal sa sugat ng lipunan. Kung gusto niyong subukang ang swerte at mag-express palit tayo ng pangulo ulit (edsa 3 anyone?), gawan niyo lahat ng issue, pati ultimong pangungulangot ng isang general ay i-interpret niyo bilang pagtanggal ng suporta kay gloria at mag-rally kayo hanggang sa mawalan kayo ng hininga. Kung ayaw niyo naman, dahil gusto niyo ay maka-move on nga naman tayo, ay plastikan muna hanggang sa magpalit ulit tayo ng pangulo.

Pero on a lighter, and more mababaw note:

Mga hassle na dinulot ng mga nanyayari ngayong mga nakaraang araw:
-Lahat ng may lakad nung biyernes at weekend, nabulilyaso. Yung Org namin, may Get Together Party sa may bar sa may ortigas. Eh nagkataong may rally sa may EDSA, eh di yun. Tapos ang party. Sayang, party na party na yung mga tao eh. Yung iba pa nga, binilan na ng mga nanay nila nang isusuot. Mahirap talaga pag binatbati no? Yung iba pa nga may prom dapat, tapos malas-malas ngung biyernes gaganapin, eh di hindi natuloy! Tapos malamang yung mga lalakad dapat nung weekend, hindi na papayagan ng mga magulang nila, or hindi matutuloy, dahil tayo nga ay nasa state of national emergency.

-Mangangarir ka ba ng aral o hindi Hindi mo alam kung may pasok ba sa araw ng exam niyo, kasi nga anything could happen! Kaya hindi mo alam kung mag-aaral ka o hindi..at..

-Hindi mo alam kung ano ang aaralin mo kasi hindi mo alam kung anung manyayari sa exam mong napostphone dahil wala ngang pasok, at hindi mo rin alam kung mawawalan ng pasok dun sa mga araw na may exam ka.

-Pinuputakti ka ng mga mass message sa YM at text, at hindi mo na alam kung anong iisipin mo May rally daw sa may school niyo, magkakabombahan daw sa ganito, si ganito daw nakikianib sa ganito kay magkakarally tapos aalis na si gloria...grabe, anu kayang papaniwalaan mo? Or the best na gawin, burahin mo at huwag mo nang iforward, sasakit lang ulo ng mga foforwadan mo.

-Stuck ka sa Bahay Gusto mo mang umalis, hindi ka maka-alis kasi hindi mo alam kung anong manyayari.

Sino bang nakikinabang sa mga nanyayaring ito: Una, ang cellular network dahil sa dami ng text na finoforward ng mga lito at nagpapanic na tao. Pangalawa, ang mga coup plotters at mga terrorista, dahil eto exactly ang gusto nila, ang magkagulo ang madlang pilipinas.

Sinong dehado: Si gloria, kasi malamang kabado na 'yon. Pangalawa, ang mga Youth, dahil sadyang nabulilyaso ang mga plano nila, at wala silang kinalaman dun.

Blog

Nagbblog dahil:Inaantay ko yung Naruto Chap22 Manga mag-dl

Well, wala naman talagang sense mag-update kasi wala namang nababasa. Pero wala akong paki (Actually Meron eh.) Blogging life isn't as exciting as before. Maybe because people have other priorities than blogging and visiting blogs. Well at least those who have blogs hosted in blogger. I haven't been blog hopping in quite a while. Though lagi kong binabasa yung LJ friends page ko. I wish blogger has something like that, where you could view other peoples update in just one page. Haha, ASA. Pero its been interesting exploring lj's.

Sa mga taong hindi nakaka-alam, ano nga ba yung LJ. LJ = Livejournal, site na nag-hhost ng blog. Parang friendster siya kasi add ka ng add ng friends, then you can read their journals in one page, kaya convenient. Andami nang tao na naka-LJ, minsan nga, doon nalang sila nag-uupdate. One reason kaya I don't bloghop that often. Pero what's interesting is that a lot of famous persons have their LJs too.

Example:
Here's Quark Henares LJ
and here's Mitch Dulce (the designer gal from PBB Celebrity Ed), Francis Reyes has an LJ too, but I forgot the link..hehe sorry.^^

to name a few..here's another cheesy LJ link..cheesy kasi sobrang daming tsimis kang pwede masagap. Yun nga lang, dapat magaling kang manghula ng blind item. Tungkol kanino ang tsismis, sa mga celebrity. Mapa-showbiz man o Music Industry.

aargghh...I really have to update this blog. Add a few interesting links para may mapuntahan ako habang wala akong ginagawa...:P

An Advisory (besides other things)

On Kupals

Apparently may nag-kukupal sa Anime Community ngayon. Just received this through an email (Omake News Network)

Kung kayo yung tipong hindi palabasa, ang summary lang naman nitong sulat na ito ay dapat mag-ingat ang mga anime groups sa isang tao na nag-ngangalang MIKE ABUNDO dahil sa kanyang Modus Operandi.

Sa Pagkakaintindi ko..
1)Kung merong kayong anime site na puntahan ng tao, kunwari FILCOSPLAY.TK, bibilan niya 'to ng domain, in this case FILCOSPLAY.COM.
2)Tong binili niyang domain, naka-directa sa isang forum na siya ang may gawa, pero hindi naman talaga yung orig na FILCOSPLAY forum. Kumbaga yung traffic na dapat mapunta sa original forum ng filcosplay, napupunta sa ginawa niyang forum, dahil narin sa kalituhan sa web address. Mas madali nga namang puntahan ang FILCOSPLAY.COM, kesa sa s7.invisionfree...at FILCOSPLAY.TK
3)Hindi lang yan. Siyempre hindi naman makakapayag yung mga original na may-ari ng forum kaya nag-dialogue sila. Ang gusto nitong taong to, ay IDODONATE niya daw yung domain name provided na ilalagay nila sa site na dinonate niya yun. Kinukumbinse niya yung mga original na may-ari na total, mas accessible nga naman yung may .com na domain, ay dapat pumayag na sila sa deal.
4)Anu ang kakupalan doon: simple, uungasan niya yung mga original na may-ari dahil pinagkakakitaan niya yung site traffic na dapat ay sa kanila. Hindi lang sa FILCOSPLAY niya ginawa yun, pati ata sa dating PINOYCOSPLAY, at mas maluphet pa, sa ANIME-EXPLOSION. Ang kapal naman ng apog ng taong 'to, ano ho?

Kaya ho sa mga tao, pakabantayan niyo po ang mga domain niyo.

------------------------

Kay Bilis entry.Again.

Grabe, last year ko na ng pagiging teenager. Disin-nuebe na ako. Bilis, parang kelan lang naghahanap ako ng ka-chat sa cellphone at nasabihan pa akong bata dahil 13 years old lang ako nung ginawa ko yon, tapos ngayon, ako na ata ang pinaka-matandaang youth dito sa baranggay namin. Pakiramdam ko ang dami nang nanyari sa buhay ko, pero kung iisipin wala pa ako sa kalingkingan. Medyo natatakot nga rin ako kasi huling term ko na bilang third year, tapos next year fourth year na..nyemas, Senior citizen nanaman ako! Parang kahapon lang yung 2003, nung pinili kong pumasok sa DLSU kasi mas malapit sa bahay,at sinadlak ko sarili ko sa ECE. Tapos ngayon 2006 na! Tama ba naman yun? Grabeng talon from St.Scho the finishing school exclusive for girls to DLSU ECE na wawalo lang ang babae sa isang section. From too much english to too much math. Yung mga babae kong kasama naging lalake na. Yung mga usapang boyfriend/girlfriend, nung high school pang mga popular people lang, ngayon may tatawag sayo sa telepono para lang manghingi ng advice. Nakakayanig ng mundo, pero you get used to it, tapos mapapansin mo, ganun na pala katagal, tatlong taon.

Hindi naman sa pagiging sentimental, pero nagpapasalamat talaga ako para sa mga taong nakilala ko (take note, nakilala), sa mga pangyayaring naranasan, sa mga lugar na napuntahan. Sa nanay at tatay kong nagpapa-aral at nagpapakain samin, sa kapatid kong na ang "sandali" ay equal sa 30 min pag nasa harap ng PC, Sa pamilyang nag-aaway away dahil sa inggit. Yung mga ka-group kong nagpaiyak sakin nung 2nd yr. HS sa harap ng klase dahil bagsak kami sa investigatory project at hindi sila tumulong, yung mga taong feeling ko pinagtri-tripan ako pero hindi pala (ngayong college ko lang na-realize yun), yung mga Taong TROIKA na umiinom ng icetea/toyo/fishball sauce/gravy concotion para sa isang dare at may kanya-kanyang buhay na ngayon, sa ST.SCHO na nagturo sakin kung paano mag-appreciate ng art,maging conio at the same time maka-masa,at nagbigay sakin ng extrang yabang at popularity dahil nga galing ako dun at maraming taga-lasalle na galing doon, kaya maraming nag-hhi sakin(St.Scho powers daw..haha), yung mga taga-PHILOTAKUatPHILANIME na nag-introduce sakin sa mundo ng mga anime convention noog high school, ang ECE block EK ng 2003, na ngayon ay nagdadamayan parin kahit nalagas na ang halos kalahati sa kanila, sa mga prof na nagbahagi ng kwento,pasensya,at katatawanan, sa COE ng lasalle dahil kahit papaano ay hindi boring ang buhay dahil sa mga tsismis na umiikot at sa mga events,sa mga tambay ng ENGWALK - Likod ng Z2 branch na pugad ng mga musikero,magikero,ECES members, mag-ON at marami pang iba,sa mga OPM bands na kinalolokohan ko ngayon, sa ANIME na nagbibigay ng extra entertainment, sa blogger at Y!M na pinagmumulan ng away, sa PANDACAN dahil madaling mag-communte papunta kahit saan..

basta..sa lahat. Para sa inyo tong entry na 'to.