Unang Linggo.

Hello. Kaya lang ako nag-net ngayon kasi me HW ako sa Programming. Letche first major namin. Tapos me kupal pa kaming teacher sa ModComm..hay..

Unang linggo..maraming assignment. Pakshet. Wala akong oras mag update ngayon. Marami akong ginagawa. Sorry. Kelangan ko nang mangarir kung ayokong bumagsak..ngayon palang. Feeling ko mahihirapan ako eh.

In Conclusion

Helo. Ala lang..pasukan na sa lunes.....PASUKAN NA SA LUNES! O MAY GAS ABELGAS!

Mga nagawa ko ngayong summer..

..nagtinda at lahat ng related sa merchandizing.
..Nakatapos ng mga libro at kung anu-anung storya, namely: False Memory (Dean Koontz),The Last time I saw my Mother (Arlene Chai), Fruitcake (Eraserheads), Eating Fire and Drinking Water (Arlene Chai), Para Agua con Chocolate (Laura Esquivel), Chronicle of a Death Foretold (Gabriel Garcia Marquez), The Day the Dancers Came (Bienvenido Santos), Yami No Matsuei vol. 7 & 8, at iba pa na hindi ko maalala.
..Nagpuntang Intramuros, naligaw at nilibot yon..on foot.
..Nagpalit ng layout at nagblog.
..Naglaro ng suikoden iii at umabot ng chapter 4 (Si Chris ang Flame Champion ko).
..Nagdownload ng laro sa celphone kong napanalunan ng nanay ko (Sadya siyang swerte).
..Nagdownload ng kanta karamihan hindi anime related.
..Nagpaka-buryo sa NU 107 na halos pamilyar sa lahat ng kanta pero hindi parin alam ang mga title at mga kumanta nito.
..Natutong mahalin ang punk-pop-rock (salamat sa NU) pero hindi ang metal.
..Nag-enroll.
..Nag-ehersisyo ng dalawang araw.
..Gumawa ng konting gawaing bahay..konti lang.
..nagawang hindi kumain ng tsitsirya ng isang linggo (achievement yan!)
..Nag-mall.
..Nag YM.
..Nagbalik sa PhilAnime pero nanatili paring Lurker.
..Kinareer ang pagkanta ng Balisong (Balee-song) o (Ba-leesong) ng Rivermaya pero hindi parin kaya yung ginagawa ni Rico Blanco (You're everthing i wanted and MoooooooooooOOOOOOOOoooore).
..Nagpa-ayos ng Playstation.
..Tumambay sa bahay (includes kain at tulog)
..Nagsulat ng schedule sa iba't ibang papel.
..Nagsulat sa notebook.
..kumuha ng passport.
..bumili ng 2 t-shirt.
..narinig ang Felix Bakat (Dhego), Bumper to Bumper (Love Anuber) at Babae po Ako (Tuesday Vargas)

Mga hindi ko nagawa ngayong summer.

..mag-swimming.
..maging couch potato (Dahil bihira lang ako mag-TV).
..magpapayat(mwahehehehehe).
..matutong mamalantsa at maglaba (saka na yan!).
..magdrawing ng kung anu-anu sa sketchpad (parang nawala ang interes ko sa pagddrawing).
..i-update ang website ko (wala akong material!siyet).
..lumabas ng National Capital Region.
..mag-suklay.
..bumoto (dahil hindi pa pwede).
..manuod ng Sine.
..manuod ng concert (dahil me curfew).
..umatend ng convention (dahil me pasok).

At in conclusion..haha..isa po siyang ordinaryong summer...na me tinda part..hehe..yun lang.

Raketeering

Hay. Tapos na ang Eleksyon sa bansang pilipinas. At tabla ang laban ni Manny Pacquiao dahil dun sa kanong judge na mali na scoring. At hindi ko ilalagay ang mga binoto ko dahil hindi pa ako bumoboto. Pero ang astig ang tatay ko...iboboto niya daw dapat si Ping. Pero nag bago siya ng isip dahil...

"..yayaman nanaman ang mga intsik."

o san ka pa. Yan ang astig na sagot.

-----------------------------------------------------------------

Sa likod ng eskwelahan ang tindahan namin. At dahil nga sa eleksyon ay namili kami ng mineral water. Laking gulat ko nalang ng wala ata kaming nabenta kahit isang bote ng tubig.
Tsktsk...hindi patoksky ang business. Hehe..at least marami kaming mineral at hindi na kami bibili.

Pero anu nga bang mga business ang pumatok ngayong eleksyon. Eto lang mga obserbasyon ng mga kagaya kong purgang purga na sa kampanya..

1) Sitsiteros (Poll watchers) - yung mga sumisitsit diyan sa tabi at nagsasabi na "iboto niyo si ganyan" na may malaking ID na nakalagay yung logo ng kandidato nila at naka-tshirt na may mukha ng kandidato nila.
Bayad: 200-500. Kukunin sa Baranggay Chairman.
Rating: Not bad?

2) Basurero (Flyer/sample ballot Distributor) - mga namimigay ng flyers sa kahit saan..habang nag-babahay-bahay ang mga kandidato, sa mall, sa labas ng mga eskwelahan, sa kalye. Ang mahilig sa ganito si Bro. Eddie..o siya lang lagi na-eencounter ko.
Bayad:Siguro kaparehas din ng mga poll watcher.
Rating: Not enough. Nakakapagod din to lalo na pag summer. Kulang pang mineral water at softdrinks.

3) Nangiistorbo (Jingle Sounder) - mga owner jeeps/sasakyan na me nakakabit na loud speaker sa bubong na nagpapatugtog nonstop ng iba't ibang version ng Spaghetti, Bulaklak, Lagot ka, one for each congressman or councilor. Me mga banner na nakakabit sa kanilang mga sasakyan at iniikot nila bawat kalye tuwing umaga o habang tanghali kung saan nag siyesiyesta ang mga tao. Dedicated ang mga ganito samin kaya memorize na ng mga bata at yung baliw sa kanto yung version ni Oliver Ibay ng kanta ni michael jackson.
Bayad: Malamang mas mataas sa mga sitsiteros dahil gagastos ka rin sa gas.
Rating: Hindi maganda pag wala kang auto.

4) Tagadag boys (Banda) - Kahit mapa-3 lang kayong me mga dala ng snare drums na suot lang ay ordinaryong tshirt at shorts, o mapa-full marching band kayo, okay lang. Basta kaya niyong mang-gising ng tao ayos. Nakikita lagi sa mga kandidatong nangangampanya, gumagawa ng ingay para malaman na makikipagkamay sila.
Bayad: Mahal siguro kasi hindi lahat ng councilor gumagamit nito. Me kasamang softdrinks at sandwhich siyempre dahil nakakapagod umihip habang naglalakad.
Rating: Hindi pwede ang tinadtad na tansan at lata ng gatas.

5) Epal (alipores ng mga kandidato) - Its either kamag-anak niya kayo o sobra kayong dedicated dun sa kandidato. Kayo yung mga naka-chaleco na may nakatatak na pangalan ng kandidato sa likod, nagdidikit ng poster sa mga pader habang ang iba niyong kasama ay kinakatok ang mga bahay at iniistorbo yung mga nakatira don.
Bayad: Wala kung volunteer ka, kung meron, ay siguro malaki-laki dahil sa dami ng epal na nakikita kong nakapaligid sa mga kandidato.
Rating: Para sa mga walang magawa sa bahay.

6) Yantoks (Security) - Baranggay Tanod o kahit sinong me hawak na mga yantok (yung mga ginagamit sa arnis) na nakapaligid sa mga kandidatong tumatakbong congressman pataas. Kung ang hawak mo ay hindi yantok at meron kang batuta, baril, at motorsiklo, aba, mas angas ka at malamang na mas malaki ang bayad sayo. Pero matindi ka na talaga kung naka barong ka, naka-shades, may earphone at me radio kang hawak...siguro Presidential level na yang binabantayan mo.
Bayad: Malaki. O usual kasi trabaho mo nga yon.
Rating: Hindi basta-basta...ang bayad.

7) PLDT/MERALCO boys (taga-kabit ng poster) - Para sa mga walang takot at buo ang loob...na umakyat ng hagdanan at magkabit ng mga banner sa mga building at sa kable ng kuryente. Ginagawang piyesta ang isang baranggay na hindi naman nagcecelebrate ng piyesta. Kelangang me hagdanan at sasakyan na pick-up, lalagyan ng mga banner in different sizes, shapes and colors.
Bayad: Siguro per poster ang singil ng mga to.
Rating: Pwede na sa fear factor.

8) Executioners (Events Execution) - Mga taong naka-sakay sa isang truck, o higit pa. Titigil sa gitna ng kalye. At inches from the site, ay parang magic na lumalabas ang mga stage na kahoy, with matching sound system pa courtesy of the Sound Mobiles na ang racket ay mga ordinaryong debut at weddings lang! Pagkatapos ng palabas ay magic ding nawawala ang mga stage.
Bayad: Malaki.
Rating: Di pwede sa mga small time.

9) Mighty Bonds (Taga dikit ng posters) - Mga taong bidang bidang tuwing gabi at madaling araw..kung saan ay pwede silang magdikit ng poster kung saan-saan ng hindi nasisita. Nagugulat nalang ang mga may-ari ng bahay na biglang nagkaroon ng poster ng kandidato sa kanila, at magugulat ulit ng garapal na pinatungan ng poster yung poster na garapal na dinikit sa pader ng bahay. Ang karaniwang dala ay sirang walis, isa o dalawang lata ng pintura na may lamang gawgaw formula at mga poster, siyempre me baong Red bull o di kaya extra joss pampagising dahil nga sa madaling araw sila nagdidikit.
Bayad: Siguro per kilo naman ang singil ng mga to.
Rating: Para sa mga hindi makatulog sa gabi.

----------------------------------------------------------------------

Kahit papaano siguro ay naencounter niyo na ang mga taong yan...lalo na dito sa may amen...kasi pumunta dito si LPG! Este si FPJ pala dati..mwehehehe..

hay...basta kung sinong manalo...sana magkaron sila ng initiative na maglinis ng mga poster nila..mahiya naman sila sa balat nila..ginawa nilang basura metro manila.

Reading Advocacy Ad bom style

Yes..ang kulay ay Pula..lolz...di ko alam kung bakit...wala lang..gusto ko lang yung design eh...asteegin tska di mahirap ayusin (Pero letche naloka ako kaka-figure out kung pano paghiwalaying yung mga div layers na yan!) Featuring..err..Poop Dog...nyek! Di ko nga kilala yan eh. Haha..palitan ko nga picture ni polgas o ni tado? Kaso pula to eh..la lang.

-------------------------------------------------------------------------

Kung tatanungin niyo ako tungkol sa nanyayari sa buhay ko ngayon, tignan niyo na lang yung
description sa gilid. Yun lang yon.

At dahil NASIRA ANG **P@#$*** kng bala ng suikoden iii, ay hindi ako makapaglaro. At wala akong makitang bagong bala sa paghahalughog sa Harrison at sa UM..napakasaya ng buhay. Sa ngayon ay bagotilyo ako dahil natapos ko na yung binabasa kong libro ni Dean Koontz na "False Memory". Binili ko nung second year at hindi ko natapos dahil napaka-highfallutin/hayfallutin (di ko lam spelling) ng mga salita at sobrang kapal niya. Pero ngayong malawak-lawak na ng konti ang aking vocabulary ay nabasa ko na siya ng tuloy tuloy at nalaman ko na astig pala siya. (Kaya nga siya #1 bestseller eh)..tungkol siya sa isang praning na psychiatrist na nagkokontrol ng utak ng kanyang mga pasyente at pinapagawa ang kung anu-anu kagila-gilalas na bagay sa mga ito. Kagila-gilalas with the capital K. Pero me mga bagay dito na boring..kaya ko lang siya tinigilan ng 4 ng umaga kasi boring parts na yung mga nababasa ko.

Nabasa ko rin sa aking pagiging bagotilyo ang "The Last Time I Saw my Mother" ni Arlene Chai. Ito naman sobrang layo sa una kong binasa...tungkol siya sa Family, parang yung mga Family Saga stories eklat..astig siya kasi para mo naring nabasa ang history ng 'pinas. Touching siya..okay lang..medyo matagal ko narin kasi tong binasa eh.

---------------------------------------------------------------------

Tuwang-tuwa ako sa pagbabasa..pero yung mga ibang bagay lang...pero nakakatuwa magbasa. Me mga bagay lang na hindi nakaka-trip basahin...katulad ng Calculus at Physics..di ka lang mabobore ma-babadtrip ka pa! Di ko rin trip magbasa ng non-fiction..kaso depende din yon eh..(Non fiction yung kay idoul Bob Ong tska yung mga libro ni Ambeth Ocampo)..basta nakaktuwa mag-basa. Ewan ko ba kung bakit me mga taong hindi trip mag-basa....dahil siguro me mga ibang bagay na silang pinagkakaabalahan.

Bakit nga ako nakaka-aliw magbasa? Maraming dahilan..karamihan cliche na. Pero hindi ako yung 'read to achieve'..kelangan lang yon pag nangangarap kang maging Cum Laude. Ako yung 'reading is fun', lalo na pag nagbabasa ka ng fiction.

Noong grade 4 pa lang ako..ang binabasa ko Goosebumps, at sa hindi malamang dahilan ay hindi ko trip ang sweet valley high at babysitters club na paborito ng mga kabataan noon. Me balak nga akong mangolekta eh kaso nung nakakarami na ako nagpahiram ako sa mga kaklase kong nagbabasa rin non at nawala siyang parang mga buwis sa BIR. Pero hindi yon ang punto, natutuwa ako kasi..uhh..weirdo yung mga ending..yung mga ending na multo pala yung mga bida o di kaya tayo pala ay mga alaga lang ng mga langgam...basta yung mga ganung ending.

Noon namang mga Grade 5-6 ako ay natuwa ako sa parehong author..ngayon naman napagtripan ko yung Fear Street series niya. Hanggang ngayon marami parin sa bahay, naging brown na yung mga pages sa sobrang kalumaan. Eto naman tuwa ako pagnahuhulaan ko kung sino yung mga killer pero mas nakakatuwa pag yung hula ko mali...yung tipong mga hindi-mo-akalaing-siya na mga killer...yung mga mabait na killer na bestfriend ni ganito na boyfriend ng kaibigan mo na gustong maghiganti dahil pinahiya mo siya nung grade school pa kayo...parang ganun. Siyempre hindi mawawala dito yung mga fanfiction tungkol sa mga anime...bastos nga lang kasi yung mga binabasa ko lalaki sa lalaki(yaoi)...tsaka yun din yung mga panahon na nagbabasa ako ng mga romance novels na makakapal..yung mga Judith McNaught tska Jude Deveraux...at tama ang rinig niyo..grade 6 lang ako non. (Hinahanap ko kung saan yung mga parts na bastos..hwekhwekhwek). Doon lumalabas ang mga adolescent behavior XD Dito ko rin nakilala sina Nancy Drew at yung mga tropa niya, at katangahan kong bumili ng Agatha Christie. Nasayang lang pera ko hindi ko siya ma-gets.Di ko nga alam na mystery pala yun eh!

High school naman nung tinigilan ko na sina Nancy Drew at dahil sa pinsan ko ay nakilala ko si Sidney Sheldon na sobrang tuwa kong magbasa ay pinagalitan ako sa klase. Nagbasa din ako ng Mary Higgins Clark..at yun lang. Dito ko rin nalaman na hindi ko trip ang myth,legends at fantasy dahil nabagot ako sa Early Filipino Literature at Asian Literature at pati narin sa Greek Mythology..ay mali..angas nga pala ang greek methology..at ayoko rin kay Shakespeare..tangna niya gagamit lang siya ng salita komplikado pa!....me pa-thou-thou at thee pa siyang nalalaman...Bading!Lolz!XD
La siyang panama kay Rizal sa Noli at Fili niya..ewan ko lang sa mga kaklase ko basta enjoy ako sa pagbabasa ng dalawang librong yon...at tumuloy ang ligaya sa filipino nung fourth year kung saan comtemporary Filipino Lit na ang pinaguusapan tulad nung Ibong Mandaragit na maraming typo. (Mando Plarido(e)l the Philippine Idol!). Dun ko rin na-encounter ang iba't ibang mga literary styles na asteegin..lalo na yung surrealism (mga taong nagiging ipis) tska realism..gustong gusto ko talaga Literature tska Panitikan nung Fourth year at Third Year. (At habang tina-type ko to ay narealize ko na ang favorite subjects ko). Dito ko rin nadikubre ang mahiwagang mundo ng Pinoy Lit dahil napabasa ako ng Libro ni Bob Ong, Luwalhati Bautista at kung sino mang nagsulat ng Sa Kuko ng Liwanag.

And guess what? Nasa Engineering ako! Napakalaking joke talaga ng buhay na to at si lord ay si Bayani Agbayani!

-----------------------------------------------------------------------------

Yan, lumalabas na ang pagka-adeek ko sa pagbabasa ngayong mga panahon na bagotilyo ako. Napapagalitan na nga ako dahil me bumibili na pala sa tindahan tutok parin ako sa libro.
Nakakatuwa kasi eh..madami ka pang nalalaman..san mo malalaman na dapat matakot ka na sa mga Psychiatrist dahil sa pagbanggit nila sa isang pangalan ay pwede ka nilang patayin sa pamamagitan ng sarili mong mga kamay..at ang tawag dito ay hypnotic regression. (malabo? Basahin niyo yung libro ni Dean Koontz). Para ka naring nanood ng telenovela pero hindi taartits yung mga gumaganap kaya hindi nakakairita. Seryoso masaya magbasa ng libro..kaya okay lang sakin maiwan sa library provided walang multo. Huwag niyo nga lang akong bigyan ng dictionary o kahit anong librong related sa math o yung mga gumagamit ng lengguahe ni Miriam Defensor, ibabato ko lang sa inyo yong pabalik, at walang kasamang Dairy Creme!

-----------------------------------------------------------------------------

Sa mga taong boboto at hindi pa nila alam kung sinong iboboto nila, iboto niyo nalang yung kaparehas niyong personality..hwekhwekhwek...


Ako si DAKING! at maraming salamat kay Chilhyunnie para sa quiz na ito.